Burnley, McDonald braktis skuadrën për pub-in

Nuk është e shkruar e zezë mbi të bardhë se lojtarët duhet të qëndrojnë në stadium pas zëvendësimit për të mbështetur skuadrën në humbje apo fitore.

Edhe pse shumica e tyre e bëjnë këtë, nuk e mendon kështu skocezi 21 vjecar i Burnley, McDonald. Ai u zëvendësua në mesin e pjesës së parë gjatë humbjes dërrmuese 1-6 me Man. City por për të ndjekur vazhdimin e ndeshjes zgjodhi një pub afër stadiumit.

Me t’u informuar, drejtuesit e klubit e kanë detyruar lojtarin të kërkojë falje publike, duke i mohuar rrogën edhe për 2 javët e ardhshme.

“E kam kuptuar se nuk ka qënë me vend dhe totalisht e gabuar ideja për ta parë pjesën e dytë jashtë stadiumit. Ishte një gabim i madh pasi duhet të qëndroja me shokët në Turf Moor për të mbështëtur klubin dhe shokët e skuadrës. Ishtë një mungesë e madhe respekti ndaj tifozëve dhe jam i ndërgjegjshëm për këtë. Dua të siguroj tifozët se do bëj të pamundurën për të ndihmuar skuadrën për të qëndruar në Premier League”, shprehet 21 vjecari.