"Business News": Kapitalet e bankave greke do vuajnë efektet e krizës

Kriza greke duket se do të japë efektet e saj edhe në kapitalet e bankave. Këtë e ka bërë të ditur revista ekonomike europiane "Business News". Sipas saj të ardhurat priten të reduktohen për bankat greke duke thënë se financat e tyre do të vuajnë nga efektet e krizës së borxhit publik të vendit. Ky vlerësimi u bë nga një opinion i dobësuar makroekonomik i vendit dhe ndikimi i saj pritet në cilësinë e këtyre bankave të pasurive dhe të ardhurave kapaciteteve gjeneruese. Sipas "Business News" presionet mbi bazat makroekonomike kanë qenë evidente për vitin e kaluar dhe pritet të intensifikohen vitin që vjen.
Greqia ka qenë e kapluar nga një krizë financiare që në fund të vitit të kaluar, kur qeveria e sapozgjedhur socialiste bëri të ditur deficitin buxhetor. Qeveria ka shpallur një sërë masash kursimi të ashpra për të sjellë borxhin e saj nën kontroll, duke përfshirë edhe uljen e pagave të nëpunësve civilë, tatimet dhe pensionet.
Por humbja e besimit të tregut e ka lënë vendin të përballur me koston e lartë të huamarrjes që janë gati dy herë ato të Gjermanisë.