Buxheti 2011 nis ndertimi i Unazes se Tiranes dhe tunelit
Rruga Rreshen-Kalimash do te kushtoje 108 miliarde dollare
Ne buxhetin e vitit 2011 per here te pare segmenti kryesor i rruges Durres-Kukes ka edhe nje kosto qe sipas shifrave kap vleren e 108 miliarde lekeve ose rreth 1.08 miliarde dollare. Vetem per vitin 2011 dy Bechtel dhe Enka do te paguhen me 96 miliarde leke. Kjo shifer serish eshte e frikshme ne krahasim me shpenzimet e buxhetit per rruget. Ne total gjate vitit 2011 jane parashikuar 268 milione USD investime per ndertimin e rrugeve. Nga keto 122 milione jane investime te huaja dhe 145 jane investime te brendshme. Nga keto te fundit 96 milione shkojne vetem per nje segment rrugor tashme te inauguruar.
Rruget e vjetra
Qeveria tashme ne mandatin e saj te dyte ka te hapura ne proces ndertimi rruge dhe autostrada me vlere 1642 miliarde leke ose rreth 1642 miliarde USD. Keto jane rruge te reja qe ndertohen me parate
e buxhetit. Ne buxhetin e vitit 2011 vihet re se shumica e puneve te filluara edhe mandatin e kaluar do te marrin pjesen e luanit ne buxhetin e ri. Serish shumica e parave do te shkojne per zgjerimin e rruges Plepa-Rrogozhine dhe per zgjerimin e rruges Milot-Fushe-Kruje. Nga ana tjeter do te vazhdoje financimi per rruget e tjera te hapura si Qukes-Qaf-Plloce apo Rruga e Arberit. Ndersa nga rruget me financim te huaj pritet vazhdimi edhe pse i tejzgjatur i financimit te rruges Levan-Vlore dhe asaj Levan-Tepelene. Nje tjeter segment qe pritet te perfundoje eshte ai i rruges Kanali i Cukes-Butrint segment qe kompleton disi sistemin rrugor te bregdetit te Jonit.
Rruget e reja
Me ne fund ne buxhetin e vitit 2011 jane parashikuar fondet per ndertimin e dy segmenteve me te perfolura vitet e fundit. Qeveria parashikon te filloje ndertimin e tunelit Tirane-Elbasan. Sipas shifrave vetem ky segment pritet te kushtoje 15 miliarde leke ose rreth 150 milione USD. Ne buxhet parashikohen vetem 5 milione leke fonde te brendshme por BEI dhe Fondi Kuvajtjan parashikohet te japin vetem per vitit 2011 rreth 130 milione USD per segmentin Tirane-Elbasan. Projekti tjeter i ri qe parashikohet te filloje eshte Unaza e Tiranes. Vlera e lidhjes se Unaze se Re me Mulletin arrin ne 90 milione USD. Gjate vitit 2011 parashikohet fillimi i punimeve dhe levrimi i 3.3 milione dollareve. Nderkohe segmenti Komuna e Parisit-Rruga e re Tirane Elbasan sipas projektit parashikohet te kushtoje 24 milione USD dhe gjate vitit 2011 parashikohen vetem 50 mije USD investime.
Nertila Maho