Çanak ka qenë spiun i Millosheviqit

 Nenad Çanak, lideri i Ligës Sociademokrate të Vojvodinës ka qenë bashkëpunëtor i Shërbimit sekret serb gjatë qeverisjes së Sllobodan Millosheviqit.

Këto shkruan sot gazeta serbe “Kurir”, duke u thirrur në dokumente zyrtare të Ministrisë së Brendshme të Serbisë. Çanak konsiderohet si një ndër politikanët më të ashpër dhe më kritik të viteve të 90-ta në zhvillimet politike në Serbi, Vojvodinë dhe Kosovë, por edhe për luftërat në ish-Jugosllavi. Ai më pas u tërhoq si bashkëpunëtor duke u kushtëzuar për shkak të veprimeve të vëllait të tij, i cili gjatë një periudhë kishte probleme me alkoolin dhe bixhozin.

Ai së fundi është deklaruar edhe për Kosovën dhe qëndrimet e tij transparente për arritjen e një marrëveshje. Çanak i ka bërë thirrje krerëve shtetërorë serbë që në vendimet rreth Kosovës, të zgjedhin vazhdimin e rrugës së Serbisë kah BE-ja./Indeksonline/