Çitaku Beogradit: Ndaloni lojërat!
Ministrja e Integrimeve Vlora Çitaku ka porositur politikanët në Beograd që të ndalojnë lojërat.
Ajo në llogarinë e saj në Twitter ka thënë se “politikanët në Serbi e dinë saktësisht se për çfarë jemi pajtuar”.
“(Marrëveshja) është nënshkruar. Tani duhet zbatimi”, ka komentuar Çitaku marrëveshjen e 19 prillit, plani i zbatimit i së cilës do të diskutohet më 7 maj në Bruksel.
Serbët e veriut të Kosovës po kundërshtojnë marrëveshjen për normalizim raportesh mes Kosovës e Serbisë dhe kanë kërkuar që për zbatimin e saj të vendoset në referendum.
Por, zyrtarët e Qeverisë së Serbisë duken më të vendosur për zbatimin e saj, pasi ajo i hap rrugën Serbisë në proceset integruese./Indeksonline/