Censusi struktura paralele per rezultatet

Struktura paralele per te monitoruar procesin e regjistrimit te popullsise kryesisht ne zonat e banuara nga minoriteti grek apo atje ku organizatat e pakicave i cilesojne si zona potenciale. Burime prane organizatoreve bejne te ditur se tashme qe mbeten 9 dite nga koha kur do te zhvillohet censusi zyrtar ne te gjithe territorin e republikes jane ngritur struktura te ngjashme me ate qe ndodh ne zgjedhjet e zhvilluara ne vend te cilat do te monitorojne si procesin e zhvillimit te pyetesoreve por edhe rezultatin e regjistrimit. Ne disa zona te cilesuara si te nxehta perfaqesuesit politike te minoritetit do te fotokopjojne formularet e plotesuar nga qytetaret qe cilesohen si pjese e komunitetit per ti mbajtur si dokumente rezerve ne kohen e shpalljes se rezultatit final.

Mosmarreveshjet e lindura se fundmi mes perfaqesuesve te minoritetit dhe qeverise dhe ndryshimi i herepashershem i formularit kane nxitur idene e marrjes se masave mbrojtese ne disa zona ne funksion te shmangies se deformimeve dhe me tej akoma te administrimit paralel te informacionit. Fotokopje te zyrtarizuara te formularit te censusit eshte nje prej ideve qe ka zene vend sidomos ne zonat e perceptuara si te nxehta e ku palet qe artikulojne rrezikun e vetedeklarimit shohin mundesine e shtimit fiktiv te qytetareve qe vetedeklarohen si greke. Ekziston dyshimi se i gjithe informacioni i administruar nga censusi mundet te mos publikohet bruto pra i pafiltruar e per kete arsye kopjet e formularit sherbejne per nje mikrostatistike te kufizuar ne zone por qe kane forcen e nje te dhene qe gjithsesi ndryshon teorikisht fytyren etnike te saj. Edhe pse zyrtare te qeverise bene te ditur se te dhenat ne kete rast nuk prekin regjistrin e gjendjes civile serish argumenti nuk qendron ne kete rast pasi se fundmi Gjykata Kushtetuese ka shpallur ligjin funksional te saj antikushtetues. Kjo pa zene ne goje pasojat qe krijon nje vendim i kesaj natyre per te gjithe ata qytetare qe kane kryer veprime legale per ndryshimin e kombesise te sigluara nga gjykatat shqiptare. Per kete arsye mbikeqyrja shteterore ne regjistrimin e popullsise po sfidohet hapur sa nga reaksionet e jashte kufijve aq edhe nga refuzimi i plote dhe mosbesimi i pjeseve te ndryshme te vendit qe jane ne prag te mosnjohjes se rezultatit te censusit e me keq te nje bojkoti masiv te tij.

Instituti i Statistikave se bashku me institucionet e tjera qeveritare ne vend do te nisin neser procesin e trajnimit te anketuesve te cilet me 1 tetor do te regjistrojne popullsine dhe banesat ne vend si rezultat i censusit. Burimet bejne te ditur se trajnimi i anketueseve per kete proces do te zgjase nje jave intensive dhe do te kryhet ne menyre te unifikuar ne te gjitha zonat e vendit. Sipas INSTAT ne vend jane ngritur rreth 250 komisione te censusit te cilat do te sherbejne per te perpunuar te dhenat qe do te mblidhen nga ky proces. Pushteti vendor pa dallim politik duket se i ka kryer te gjitha detyrat e tij duke gjetur sallat dhe ambientet e tjera qe do te sherbejne per kete qellim. Ky proces pritet te nise per tete dite dhe rezultatet do te behen publike ne mesin e nentorit. Ende nuk dihet sesi do te jete mbarevajtja e procesit duke nisur nga fakti se ka shume kontradikta per pyetjet qe jane perfshire ne formular.