Chelsea e mbyll vitin me tri pikë

Chelsea e mbyll vitin 2023 me fitore, 3-2 në fushën e Luton Toën. Skuadra vendase kontrolloi lojën në fillim, por në minutën e 12-të ranë dhe pranuan 1-0: një pasim horror nga Kaboré, direkt në këmbët e Palmerit, i cili realizoi me një diagonal të fuqishme.  Pas golit të pësuar, lojtarët e Edëards i rikthehen lojës, duke i trembur disa herë blutë. Megjithatë, në momentin më të mirë të tyre, skuadra e drejtuar nga Pochettino dyfishoi epërsinë: në minutën e 37-të, gjuajtja e fuqishme e Madueke ndalet në rrjetë, protagonist edhe Palmer. Dy skuadrat kthehen në dhomat e zhveshjes me rezultatin 2-0 në favor të miqve.

Në pjesën e dytë muzika nuk ndryshon: Chelsea vazhdon të presë, vetëm për të bërë keq në kundërsulm. Në minutën e 70-të blutë e futën fitoren në kasafortë: Jackson mbron topin dhe pason thellë për Palmer, i cili me një goditje magjike mposht portierin dhe firmos 3-0, me dopietën e tij personale (i pari në Premier League). Dhjetë minuta më vonë, Barkley ngushton diferencën me një goditje me kokë pas zhvillimit të një goditje këndi, duke ndezur finalen e ndeshjes.

Pas një goditjeje nga Doughty, Adebayo rihap në mënyrë sensacionale gjithçka me golin e tij në minutën e 87-të, por goli i sulmuesit anglez është zilja e fundit e ndeshjes. Chelsea fiton 3-2 dhe ngjitet në 28 pikë në renditje. Luton mbetet në 15 pikë, i treti nga i fundi.