Cmimet e produkteve bujqesore tashme me mesazh ne celular

Me nje mesazh celular te derguar ne numrin 0672602626, cdokush duke filluar nga sot, mund te informohet per cmimet e produkteve bujqesore. Ky ishte thelbi i marreveshjes se nenshkruar mes Ministrise se Bujqesise dhe USAID me titull "Konkurueshmeria e Bujqesise Shqiptare". Fillimisht kjo marreveshje parashikon te dergohen mesazhe me informacione per cmimet e ullirit, vreshtarine, per te cilat vendi yne njihet gjeresisht dhe jashte vendit. Marreveshja e cila do te zgjerohet se shpejti dhe per produkte te tjera, ka per qellim futjen ne treg te fermereve qe nuk jane pjese e tregut, rritjen e eksportit te produkteve tona etj. "Themeli i cdo sistemi te bazuar ne treg dhe te dhenat rreth prodhimeve qe po blihen apo shiten eshte informacion i mire. Sa me shume informacion te mund te ndajme, aq me dinamike dhe konkurrues do te behen fermeret dhe tregu" ka pohuar drejtoresha e Misionit te USAID-it, Roberta Mahoni. Gjate dy muajve te ardhshem, sistemi SMS do te ofroje te dhena sipas kerkeses, per nje numer te madh produktesh. Fermeret, tregtaret, perpunuesit apo cdo person i interesuar per te mbledhur informacion, do te jete ne gjendje te dergoje nje mesazh per te kerkuar te dhena dhe do te marre pergjigje, pesembedhjete sekonda me pas. Permes programit te Konkurueshmerise Bujqesore Shqiptare te USAID-it, ky sistem informacioni per tregun do te permiresoje aksesin e te dhenave, ne menyre qe fermeret te mund te marrin vendime me te informuara, lidhur me faktin se ku dhe kur duhen shitur prodhimet e tyre.