DHL pezullon sherbimet ne SHBA

Kompania me e madhe e sherbimit ekspres ne bote, DHL ka vendosur te pezulloje te gjitha sherbimet e saj tokesore dhe ajrore ne Shtetet e Bashkuara, duke filluar qe nga 30 janari i vitit qe vjen.

Masa shoqerohet edhe me shkurtimin e 9.500 vendeve te punes nga nje sektor jo fitimprures qe prej vitit 2005. Drejtuesit e “Deutsche “Post” siguruan sidoqofte se vendimi eshte i vlefshem vetem per sherbimin e brendshem dhe sqaruan se DHL express do te vazhdoje te operoje mes Amerikes dhe vendeve te tjera.

“Ne pergjithesi ne mund te flasim vetem per ate kategori njerezish qe ne kemi punesuar direkt. Ata preken, deri tani kemi shkurtuar 5.500 vende pune dhe do te kete edhe 9.000 shkurtime te tjera. Sigurisht jemi te ndergjegjshem qe do te kete nje reagim publik per keto masa qe e them me sinqeritet, me vjen shume keq qe duhet t’i marrim. Por nuk kemi alternative tjeter”, ka deklaruar Frank Appel, drejtor i pergjithshem i “Deutsche Post”.

Kompania me e madhe e sherbimit postar dhe dergesave ne Europe vendosi te perqendrohet tek transporti nderkombetar me Shtetet e Bashkuara per shkak se kriza ekonomike kish cuar ne ulje te ndjeshme te kerkeses brenda kufijve amerikane.

Nga ana tjeter, DHL thote se shkurtimet jane te nevojshme per te permiresuar fitimet e per ta pergatitur kompanine per sfidat e ardhshme ekonomike. Ne 2008-en, aktiviteti ne Shtetet e Bashkuara i shkaktoi “Deutsche Post” humbje ne vleren 1.2 miliarde dollare.