DITA 127/ Qytetarët kundër Ramës, marshojnë në Tiranë: “Bashkohuni studentë, kombi na thërret”

Me thirrjet “Bashkohuni studentë, kombi na thërret”, qytetarët kanë vijuar marshimin në rrugët e Tiranës në ditën e 127-të të protestave kundër qeverisë së kryeministrit Edi Rama.

Protestuesit janë shprehur të vendosur për të vijuar qëndresën, duke kërkuar ndryshime politike, kundërshtuar mënyrën e qeverisjes dhe ngritur shqetësime për korrupsionin, përfaqësimin politik dhe situatën ekonomike e sociale në vend.

Gjatë marshimit, thirrjet janë drejtuar edhe ndaj studentëve, të cilët protestuesit i kanë ftuar t’i bashkohen aksionit.

Një nga kërkesat kryesore të protestuesve mbetet krijimi i një qeverie teknike. Organizatorët kanë deklaruar se nuk do ta ndërpresin aksionin deri në përmbushjen e kërkesave të tyre.

Për ditën e nesërme janë paralajmëruar protesta të tjera, përfshirë tubime me pjesëmarrjen e studentëve dhe protesta pranë institucioneve të Kuvendit.

Marshimi i sotëm shënon ditën e 127-të të qëndresës kundër qeverisë, ndërsa organizatorët paralajmërojnë vijimin e protestave edhe në ditët në vazhdim.