Daja jep dorëheqjen, Biturku drejton BesënIlir Daja dha dorëheqjen ga drejtimi i stolit të Besës dhe në vend të tij presidenti Xhat Bizhdili emëroi Ilir Biturkun, i cili ishte në deryrën e trajnerit të Besës U-19. Biturku është trajneri i 26-të

Ilir Daja dha dorëheqjen ga drejtimi i stolit të Besës dhe në vend të tij presidenti Xhat Bizhdili emëroi Ilir Biturkun, i cili ishte në deryrën e trajnerit të Besës U-19. Biturku është trajneri i 26-të që drejton këtë sezon në 12 skuadrat shqiptare të Kategorisë Superiore.

Daja e dha dorëheqjen menjëherë pas humbjes 1-0 me Partizanin në “Qemal Stafa”, në takimin e vlefshëm për javën e 21-të Kategorisë Superiore. Besa pësoi  tri humbje radhazi, me Vllazninë, Tiranën dhe Partizanin.

Daja e morri detyrën në javën e katërt, duke zëvendësuar Iljaz Haxhinë. Në 18 ndeshje, Daja ka koleksionuar vetëm 7 fitore, 4 barazime dhe 7 humbje, me 17 gola të shënuar dhe 20 të pësuar.

Ilir Daja është shpallur dy herë kampion i Shqipërisë: me Elbasanin në sezonin 2005-2006 dhe me Dinamon në sezonin 2007-2008

Daja është trajneri i 13-të që largohet nga skuadrat e Kategorisë Superiore në 21 javë të zhvilluara në këtë sezon dhe i katërti me rifillimin e kampionatit në vitin 2009.

Përpara tij dhanë dorëheqjen apo u shkarkuan Mirel Josa (Elbasani), dhe Edmond Liçaj (Flamurtari).

Një fakt është interesant, Partizani ka bërë “viktima: të tij boshnjako-kroatin Blazh Slishkoviç (Tirana), kroatin Zllatko Daliç (Dinamo) e tani shqiptarin Ilir Daja (Besa)

Trajnerët e Superiores
SEZONI 2008 - 2009

DINAMO           

Zlatko Daliç (Jep dorëheqjen në javën e 19-të). Në javën e 20-të vjen Shkëlqim Muça.

PARTIZANI       

Hasan Lika (Jep dorëheqjen në javën e 8-të). Në javën e 9-të caktohet Shpëtim Duro.

BESA                

Iljaz Haxhiaj (Jep dorëheqjen në javën e 3-të). Në javën e 4-t caktohet Ilir Daja. Në javën e 21-të jep dorëheqjen. Ilir Biturku drejton Besën nga java e 22-të.

ELBASANI                 

Mirel Josa (Bordi Drejtues e shkarkon pas javës së 19-të). Në javën e 20-të vjen Faruk Sejdini

SHKUMBINI     

Gugash Magani

TIRANA             

Blazh Slishkoviç (Jep dorëheqjen në javën e 14-të). Në javën e 15-të vjen Agustin Kola.

VLLAZNIA        

Agim Canaj

FLAMURTARI  

Slavko Kovaçiç (Jep dorëheqjen në javën e 9-të). Në javën e 10-të vjen Edmond Liçaj. Në javën e 18-të largohet duke akuzuar për shitjen e ndeshjes me Apoloninë, në javën e 19-të vjen Eqerem Memushi.

TEUTA              

Sulejman Starova

BYLIS               

Faruk Sejdini (Jep dorëheqjen në javën e 3-të). Në  javën e 4-t skuadrën e drejtoi Dashnor Dume. Në javën e 5-të vjen  Hysen Dedja.

APOLONIA       

Gerti Haxhiu (Jep dorëheqjen në javën e 9-të). Në javën e 10-të vjen serbi Esad Karishik.

LUSHNJA         

Artan Bano (Jep dorëheqjen në javën e 1-rë). Në javën e dytë caktohet Saimir Malko (Jep dorëheqjen në javën e 8-të). Në javën e 9-të caktohet Vasil Bici (Largohet në javën e 17-të, në janar 2009 shkon drejtor i sporteve në MTKRS). Vjen Ilir Gjyla në javën e 18-të.

Nuk i kanë ndryshuar trajnerët

1.      Vllaznia
2.      Shkumbini
3.      Teuta

I kanë ndryshuar trajnerët

1. Partizani              2 herë
2. Besa                    3 herë
3. Tirana                  2 herë
4. Apolonia             2 herë
5. Dinamo               2 herë
6. Elbasani              2 herë
7. Flamurtari           3 herë
8. Bylis                    3 herë
9. Lushnja               4 herë

NË 12 SKUADRAT KANË DREJTUAR 26 TRAJNERË