Dardan Rexhepi në “radarin” e Barcelonës

Dardan Rexhepi ka rënë në “radarin” e Barcelonës, e cila ka shprehur interesim që ta transferojë në Cam Nou.

Sipas mediave suedeze, sulmuesi kosovar në sytë e skautëve të gjigantit spanjoll ka rënë gjatë qëndrimit në qytetin La Manga, me përfaqësuesen U19 të Suedisë.
 

“Barcelona ka vëzhguar Rexhepin në turneun e La Mangës, në fillim të këtij viti. Rexhepi ka zhvillur një lojë të shkëlqyeshme me U19 të Suedisë, duke shënuar dy gola, në barazimin 2:2 kundër Norvegjisë”, shkruan fotbollskanalen.se.
 

Ditë më parë mediat suedeze kanë raportuar se Rexhepi ka mundësi që të provohet në ekipin e dytë të Manchester United.