Defekt elektrik në Kosovë

Një defekt në bllokun e dytë të Termocentralit “Kosova B” shkaktoi ndërprerjen e prodhimit dhe ndërprerjen e furnizimit normal të një pjese të konsiderueshme të Kosovës. Dje dhe sot pritet që Kosova të furnizohet vetëm me 270 megavat që prodhon blloku i parë i termocentralit, si dhe me një sasi prej 130 megavatësh që importohet nga Shqipëria. Kjo përbën më pak se gjysmën e kërkesës normale ditore të Kosovës. KEK, njoftoi se punimet për riparim janë duke u kryer dhe se defekti do të rregullohet brenda 48 orësh. Kosova ka një termocentral me fuqi prej 600 megavatësh, kapacitet ky që nuk mjafton për të mbuluar kërkesën.