Defekti, bllokohet puna në Kakavijë

Një defekt në sistemin kompjuterik të palës greke ka bllokuar punën në pikën e kalimit kufitar në Kakavijë.

Lëvizja e automjeteve dhe këmbësorëve është bërë e pamundur që prej orës 02:00 pas mesnate, për shkak të moskryerjes së procedurave të të kontrollit.

Dhjetëra udhëtarë janë të bllokuar prej të paktën 7 orësh, në pritje të riparimit të defektit dhe rinisjes normale të punës.