Defekti në OST,lë pa drita gjithë Shqipërinë

Një defekt në sistemin e Operatorit të Sistemit të Transmetimit ka lënë sot pa energji elektrike të gjithë vendin. Sipas burimeve pranë OST-së po punohet për riparimin por ende nuk dihet se nga se është shkaktuar ky defekt. Ndërsa dje e gjithe Tirana u përfshi nga errësira. Rrugët dhe rrugicat e kryeqytetit si asnjëherë tjetër kanë mbetur në errësirë dhe janë ndriçuar për minuta të tëra nga ndonjë gjenerator i lokaleve. Sipas burimeve pranë Operatorit të Sistemit të Transmetimit, ky defekt është shkaktuar si pasojë e rënies së menjëhershme të sistemit të linjave të tensionit të lartë.