Demonstrata, Berisha takon ambasadorët

Kryeministri Berisha ka takuar sot Ambasadorët e BE-së dhe SHBA-së për të diskutuar rreth rikthimit të dialogut mes forcave politike në vend.

Dy ditë pas pas demonstratës së dhunshme, kryeministri Berisha ka zhvilluar sot  një takim me Kreun e Delegacionit të Bashkimit Evropian në Tiranë, Etore Sekui, dhe me Ambasadorin e SHBA-së Aleksandër Arvizu.
 

Takimi me kryeministrin Berisha vjen në vazhdën e takimeve të ditës së djeshme ku amabsadorët kanë takur presidentin Bamir Topi ku kanë diskutuar për rëndësinë e stabilizimit sa më shpejt të situatës së rëndë dhe rikthimin e rendit publik si dhe rivendosjen e menjëhershme të dialogut politik institucional.