Dëmtohen depot e ujit nga rrëshqitja e dherave në Vlorë

Në qytetin e Vlorës janë tre pika ku rrëshqitjet e dheut kanë lënë pasoja të mëdha, një në Kuzum Baba ku janë dëmtuar dy banesa dhe që janë bërë të pabanueshme, një mbi spitalin psikiatrik në lagjen 10 korriku, ku është dëmtuar depoja e ujit të pijshëm dhe një tjetër në lagjen Lirim, mbi bashki ku janë dëmtuar 3 banesa. Për të gjitha këto,

bashkia ka bërë kontrollet e veta me grup specialistësh dhe ka përcaktuar masën e dëmtimit të tyre. Këtë gjë e bën me dije vetë nënkryetari i bashkia Halim Dervishi, sipas të cilit tashmë janë bërë dokumentacionet përkatëse gati për të gjitha dëmtimet dhe i janë dërguar këshillit të qarkut që nga ana e vetë duhet të bëjë verifikimet e veta dhe të vendos për masën e dëmtimit që u duhet bërë atyre. Sipas Dervishit kaq është fuqia ligjore e bashkisë çka do të thotë se të dëmtuarit nga rrëshqitja e dherave në këtë qytet sytë duhet ti mbajnë nga këshilli I qarkut që ka fuqinë ligjore për ti dëmtuar. Ndërkohë që për depon e ujit që ka lënë pa furnizim një pjesë të qytetit nuk mund të bëhet asnjë gjë sepse në projektin e ujësjellësit të ri është projektuar një depo tjetër në afërsi të saj që pritet të vihet në funksionim pas gati një viti dhe nuk është parë e arsyeshme për të investuar në depon e vjetër.

V. Sako