Denilson: Liverpool-i nuk fiton pa Gerrard

Mesfushori i Arsenalit, Denilson, beson se nëse ekipi i tij arrin ta mbulojë Steven Gerrard, ata mund ta mposhtin Liverpoolin nesër në Anfield.
Arsenali për momentin gjendet në vendin e tretë të tabelës me tetë pikë prapa Chelseat, por mund të shtojë epërsinë në shtatë ndaj Liverpoolit, nëse e mposht këtë ekip.

"Ekipi është tërësisht i përqendruar pasi tashmë është e pamundur të dështojmë në Ligën Premier nëse dëshirojmë të kemi ndonjë shans për ta fituar".

"Nëse Fernando Torres luan nga minuta e parë, nuk do të jetë aq mirë për ne. Por beteja më e madhe do të zhvillohet në mesfushë. Duhet të ndalojmë Gerrard dhe po ashtu të tjerët si Lucas dhe Javier Mascherano, për të shpresuar në fitore", ka thënë Denilson.