Deputetet e PS dhe policia perleshje perpara KQZ-se

TIRAN- Imuniteti qe gezon cdo anetar i Kuvendit te Shqiperise duket se nuk ka sherbyer per te siguruar paprekshmerine deputeteve te Partise Socialiste. Per here te pare ne jeten pluraliste ne vend deputetet e Kuvendit te Shqiperise jane dhunuar dje nga efektivat e policise te vendosur ne rrethimin e brendshem te Komisionit Qendror te Zgjedhjeve dhe nuk jane lejuar te marrin pjese ne mbledhjen publike te ketij institucioni.

Gjithcka ka ndodhur pas tentatives qe bene nje grup perfaqesuesish Partise Socialiste per te care rrethimin e vendosur qe ne oret e para te mengjesit. Per pak minuta ka pasur perleshje mes forcave te policise dhe deputeteve te Partise Socialiste ku keta te fundit megjithese dhunshem ia kane dale te cajne nje nder rrethimet e policise.

Nje grup deputetesh socialiste kane arritur te kapercejne rrethimin duke hipur mbi kokat e policise per te hyre ne oborrin e KQZ-se. Per minuta te tera situata ka qene tejet e acaruar edhe per shkak te prezences se qindra simpatizanteve te Partise Socialiste edhe te nje numri te konsiderueshem te forcave te policise te cilet kane blinduar ambientet e KQZ-se qe ne oret e para te mengjesit.

Rreth 2000 forca te policise qe nga efektivat e thjeshte e deri tek forcat RENEA jane mobilizuar dje ne mbrojtje te KQZ-se. Qe ne oret e para te mengjesit forcat e policise jane pozicionuar ne dy gardhe nje ne rrugen perballe KQZ-se dhe nje tjeter ne deren e kryesore te institucionit. Ne baze te nje plani te drejtuesve me te larte te policise se shtetit pervec efektivave te gjashte komisariateve te policise se Tiranes te pranishem kane qene edhe trupat e RENEA dhe ato te FNSH-se nga te gjitha qytetet e tjera te vendit.

Ne pritje te nje urdhri per te nderhyre forcat RENEA ishin pozicionuar prane Korpusit te Universitetit ndersa ato te FNSH ishin dislokuar brenda stadiumit Qemal Stafa. E ndersa ambientet e Pallatit te Kongreseve jane rrethuar nga forcat e policise qe ne oret e para te mengjesit rreth ores nente atehere ku pritej nisja e mbledhjes se KQZ-se kane nisur te grumbullohen edhe simpatizantet e Partise Socialiste si dhe disa deputete te kesaj force politike. Situata eshte tensionuar nje ore me pas ku forcat e shumta te policise nuk kane lejuar qe deputetet e Partise Socialiste hyjne ne ambientet e KQZ-se per te ndjekur mbledhjen e cila eshte e hapur per publikun.

Justifikimi i kryetarit te KQZ-se ishte se deputetet nuk ishin pajisur me autorizim perkates per te ndjekur mbledhjet e hapura te KQZ-se. Vete deputetet kane pohuar se te vetmet mbledhje te hapura qe kerkojn autorizim jane ato kur diskutohet per ceshtjet e sigurise kombetare dhe ne kete rast autorizimi nuk jepet nga KQZ por nga Sherbimi Informativ Shteteror.

Ky veprim i policise ka acaruar situaten e cila brenda pak minutash ka degjeneruar ne perleshje mes deputeteve dhe forcave te policise. Deputetet kane tentuar te cajne rrethimin e forcave te policise por qe per shkak te prezences se tyre ne numer kjo gje thuajse ka qene e pamundur. Vetem rreth ores 11-te deputetet e Partise Socialiste duke u perleshur me policine kane kapercyer kangjellat dhe kane hyre ne oborrin e KQZ-se. Turma e mbeshtetesve te PS-se ngrinte ne ajer deputetet dhe i hidhte ne krahun tjeter te gardhit ku ndodheshin policet.

Per me shume se nje ore situata ne ambientet e jashtme te KQZ-se ka qene tejet e tensionuar ku nuk kane munguar edhe plasje te qellimshme te shashkave. Qindra persona te grumbulluar ne sheshin perpara KQZ-se kane kerkuar mbrojtjen e votes se lire si dhe largimin e kreut te KQZ-se Arben Ristani. Vetem pas mesdites situata ne ambientet e jashtme eshte qetesuar disi. Pas thirrjes se deputet Fatmir Xhafaj simpatizantet jane larguar nga sheshi i KQZ-se per tu ribashkuar serish aty ne oret e vona te pasdites.

Policia Referuam materiale per Rucin e Bracen

Ne oret e pasdites se djeshme policia e Tiranes ka njoftuar se i ka referuar prokurorise materialet ne ngarkim te deputeteve Gramoz Ruci e Erjon Brace te cilet sipas saj kane nxitur veprime te dhunshme. Referimi ne Prokurorine e Rrethit Gjyqesor Tirane ndaj shtetasve te siper cituar do te kaloje per konsumim te vepres penale te Thirrjes publike per veprime te dhunshme veper penale e cila parashikohet nga neni 223 te Kodit Penal- thuhet ne njoftimin e policise.