Deputetja e PL publikon fotot: Policia po godet protestuesit me zara hekuri! Prokuroria të nisë hetimet menjëherë

Deputetja e Partisë së Lirisë, Erisa Xhixho, ka reaguar ashpër ndaj dhunës policore ndaj protestuesve gjatë protestës së 12-të studentore që po zhvillohet në Tiranë.

Xhixho ka publikuar pamje të mjeteve që, sipas saj, janë përdorur nga policia për të goditur protestuesit, duke ngritur shqetësimin për përdorimin e plumbave me zara hekuri.

“Ja plumbat me zara hekuri! Këto janë disa nga mjetet me të cilat policia kriminale ka goditur protestuesit!”, shkruan Xhixho në reagimin e saj.

Deputetja i ka bërë thirrje Prokurorisë të ndërhyjë menjëherë dhe të nisë hetimet.

Reagimi i plotë: 

JA PLUMBAT ME ZARA HEKURI!

Këto janë disa nga mjetet me të cilat, policia kriminale ka goditur protestuesit!

Ku është Prokuroria?

Kërkohet hetim i menjëhershëm,  për të identifikuar personat përgjegjës dhe për t’i vënë ata para drejtësisë.

Askush nuk është mbi ligjin!

Kushdo që ka ushtruar dhunë barbare ndaj protestuesve duhet të mbajë përgjegjësi personale.