Dërgonte turistët për të parë rrënojat e anijes Titanik, zhduket nëndetësja në Oqeanin Atlantik

Një nëndetëse e përdorur për të çuar njerëzit për të parë rrënojat e Titanikut është zhdukur në Oqeanin Atlantik. Është ende e paqartë sa persona ishin në bordin e nëndetëses.

Nëndetëset e vogla herë pas here marrin turistë dhe ekspertë që paguajnë për të parë rrënojat e Titanikut. Ata paguajnë 250,000 dollarë për një vend në ekspeditën 8-ditore për të parë rrënojat. Ka nisur një mision kërkim-shpëtimi, por ende nuk ka asnjë informacion mbi vendodhjen e nëndetëses.

Titaniku ndodhet 3,800 m nën sipërfaqen në fund të Atlantikut. Anija e pasagjerëve, e cila ishte anija më e madhe e kohës së saj, goditi një ajsberg në udhëtimin e saj të parë nga Southampton në Nju Jork në vitin 1912. Nga 2,200 pasagjerë dhe ekuipazhi në bord, më shumë se 1,500 vdiqën. Titaniku është eksploruar gjerësisht që nga zbulimi i rrënojave në 1985./ BBC

/rtsh.al/