Deri minus 15 gradë celcius, temperatura të ulëta në qarkun Elbasan
Në qarkun Elbasan, temperaturat kanë rënë ndjeshëm, duke arritur në zonat malore mbi -10°C dhe deri -15°C në aksin Elbasan-Q.Thane, ku rruga është trajtuar me kripë.
Aksi Elbasan-Gjinar dhe Elbasan-Tiranë nuk ka prezencë debore, por vijon kriposja në pikat problematike.
Prurjet e lumit Shkumbin dhe perroit të Zaranikës janë ulur dhe nuk paraqesin rrezik, ndërsa shkarkimet nga HEC Banje arrijnë 390 m³/sek.
Furnizimi me energji elektrike është kryesisht normal, përveç fiderit që furnizon Njësitë Administrative Tunjë, Kushovë dhe Skënderbegas, problem që pritet të zgjidhet në orët në vijim.