Dështimet e konstituimit të Kuvendit, Rohde: Të veprohet me shpejtësi
Ambasadori i Gjermanisë në Kosovë, Jorn Rohde ka shprehur shqetësimin e tij lidhur me vonesat për konstituimin e Kuvendit të Kosovës dhe formimin e qeverisë.
Rohde ka njoftuar për takimin me presidenten Vjosa Osmani përmes një postimi në rrjetin social ‘Bluesky’, teksa thekson se në peizazhin global që po ndryshon me shpejtësi, veprimi i shpejtë është i domosdoshëm.
“Në takimin tim me presidenten Osmani, shpreha shqetësimin tim në rritje për vonesat në finalizimin e seancës konstituive të Kuvendit dhe formimin e qeverisë paszgjedhore. Në peizazhin e sotëm global që ndryshon me shpejtësi, veprimi i shpejtë është i domosdoshëm – punët shtetërore duhet të jenë gjithmonë përpara politikës partiake”, ka shkruar Rohde.
/rtsh.al/