Dështoi të kalonte kontrollet anti-doping, pezullohet për 10 muaj lojtari i Athletic Bilbao

Yeray Álvarez do të qëndrojë për 10 muaj larg fushave pasi testet e tij anti-doping pas ndeshjes të zhvilluar në maj ku United mundi ekipin Athletic Bilbao 3-0 kanë dështuar.

30-vjeçari në një moment të parë është justifikuar duke thënë se në këto teste mund të kenë ndikuar medikamentet, të cilat i merrte për rritjen e flokëve.

Kjo arsye e dhënë nga qendërmbrojtësi nuk është konsideruar si e vlefshme nga kontrolli anti-doping, i cili e ka pezulluar lojtarin për dhjetë muaj.