Deti i kines SHBA vlereson Pekinin
Autoritetet amerikane kanë vlerësuar qëndrimin e Kinës lidhur me cështjen territoriale të Detit të Kinës ku janë përfshirë edhe vende të tjera të Azisë.
Vlerësimi u bë gjatë një takimi kokë më kokë mes kryeministrit kinez Wen Jiabao dhe presidentit amerikan Barack Obama, në Indonezi, ku po zhvillohet samiti mbi Azinë Lindore.
Një zyrtar amerikan e ka përshkruar përgjigjen e Kinës ndaj cështjes në fjalë si “konstruktive”. Takimi u bë pas një mosmarrëveshjeje mes Pekinit dhe Uashingtonit lidhur me cështjet e tregtisë, monedhës dhe të drejtave territoriale në Detin e Kinës.
Deti në fjalë përmban rezerva të mëdha gazi dhe nafte dhe është një rrugë e rëndësishme lundruese për transportin e mallrave nga Azia. Kina pretendon sovranitetin e saj të plotë mbi këtë det, ndërkohë që vende të tjera të Azisë juglindore pretendojnë gjithashtu pjesën e tyre.
Bisedimet mes dy palëve u mbajtën pas angazhimit të fundit të presidentit Obama për një vizitë 9-ditore në rajonin e Azisë. Ai është përqendruar tek rritja e influencës së Shteteve të Bashkuara në rajon, në një kohë kur Kina po rrit vazhdimisht fuqinë e saj.
Këshilltari amerikan për sigurinë kombëtare, Tom Donilon tha se “takimi informal” mes zotit Obama dhe zotit Jiabao u përqendrua kryesisht tek cështjet ekonomike. Sipas tij, dy liderët diskutuan në vecanti cështjet e praktikave të biznesit dhe cështjen e kontrollit të valutës kineze.
Një ditë më parë qeveria kineze i kërkoi publikisht Shteteve të Bashkuara që të mos përziheshin në këtë cështje, e rëndësisë së vecantë për Pekinin. “Shtetet e Bashkuara nuk kanë interesa në cështjen e Detit të Kinës, por ato duan vetëm që rrugët detare të mbeten të hapura”, deklaroi Donilon.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Ndërtimi i Tunelit të Krrabës
Berisha: Tiranë-Elbasan, metropol ekonomik
Banda e policëve të rremë
Shqiptarët, mjekët e vetvetes
Berat, burri ekzekuton bashkëshorten
Pogradec, procedim penal ndaj edukatores