Digjitalizohen veprat e Capote

Shtëpia Botuese Vintage Books ka njoftuar të hënën se këtë javë në treg do të publikojë versionet elektronike të disa prej veprave të kult shkrimtarit Truman Capote.

Libri “Mëngjesi në Tiffany” (Breakfast at Tiffany’s) i autorit Truman Capote, sipas të cilit u xhirua edhe filmi i njohur me Audrey Hepbern në rolin kryesor, gjatë kësaj jave do të fitojë versionin e tij elektronik (e-book).

Veç tij, në formate digjitale do të publikohen edhe dy veprat e tjera të Capote, romani “Harfa nga Bari” (The Grass Hapr) dhe përmbledhja e tregimeve të shkurtra “Muzika për Kameleonët” (Music for Chameleons).

Nga ana tjetër, Shtëpia Botuese Random House planifikon që brenda një kohe të shkurtër të ribotojë edhe veprat e tjera të Capote, përfshirë këtu romanin e famshëm kriminalistik “Me Gjakftohtësi” (In Cold Blood).

Ndryshe, shkrimtari amerikan Truman Capote, veprat e të cilit konsiderohen klasikë e letërsisë moderne, ka vdekur në vitin 1984, në moshën 60-vjeçare.