Dinamo – Apolonia 3-2Blutë e Shkëlqim Muçës, e vetmja skuadër pa humbje në 11 javët e para, tashmë kryesojnë Superligën me 29 pikë, 11 pikë më shumë se Besa e vendit të dytë, por kavajasit kanë një ndeshje më pak.

Rrjetet sociale:

(ALBANIA SPORT) - Dinamo me fitoren 3-2 ndaj Apolonisë në javën e fundit të fazës së parë vendosi një kandidaturë të fortë për titullin kampion. Blutë e Shkëlqim Muçës, e vetmja skuadër pa humbje në 11 javët e para, tashmë kryesojnë Superligën me 29 pikë, 11 pikë më shumë se Besa e vendit të dytë, por kavajasit kanë një ndeshje më pak.

Në “Qemal Stafa” dy skuadrat me sulmin më të mirë në kampionat prodhuan shumë emocione e gola në impiantin ndërkombëtar. Serinë e çeli sulmuesi lushnjar i Dinamos, Fatjon Sefa në mintën e 20-të.

Me pjesën e parë të mbyllur 1-0, tekniku Muça kërkoi të administrimin e lojës, por një kryevepër e ish-lojtarit të Partizanit, Arbër Capa në minutën e 51-të rihapi ndeshjen dhe bindjen e trajnerit të ri të Apolonisë, Hasan Lika, për të marrë një pikë në kryeqytet.

Por, senegalezi Papa Diop, i përfolur së shumti për një rekrutim nga ana e trajnerit Kuzhe për ekipin Kombëtar shqiptar, i ridha avantazhin Dinamos në minutën e 81-të, e tri minuta më pas Fatjon Sefa realizoi në të 84’.

Loja pati momente të tensionuara në fundit e takimit, ndërkohë që zëvendësuesi Semir Haxhibuliç realizoi golin e dytë të Apolonisë, pikërisht në limitin e ndeshjes, në të 94’.

Hasan Lika e nisi me humbje aventurën në stolin e Apolonisë, ndërkohë që skuadra fierake pësoi humbjen e dytë rresht, duke grumbulluar në tri ndeshjet e fundit vetëm 1 pikë nga 9 të mundshmet.

KATEGORIA SUPERIORE
JAVA 11

21.11.2009
 
14:00 Kastrioti - Flamurtari 1-1
Shënues: Olsi Teqja 57’/ Robert Alviz 90’+4

14:00 Dinamo - Apolonia 3-2
Shënues: Fatjon Sefa 20’, Diop 81’, Fatjon Sefa 84’/ Arbër Capa 51’, Semir Hadjibulic 90’+3

14:00 Vllaznia - Gramozi 1-0
Shënues: Osja 65’

14:00 Shkumbini – Skënderbeu 1-0
Shënues: Mustafaj 57

22.11.2009
13:00 Laçi - Tirana
14:00 Teuta - Besa

1    Dinamo     11    9    2    0    21    6    29
2    Besa    10    5    3    2    7    3    18
3    Apolonia    11    5    2    4    18    13    17
4    Tirana    10    5    2    3    10    8    17
5    Kastrioti    11    4    4    3    11    11    16
6    Teuta    10    5    0    5    11    13    15
7    Shkumbini    11    4    2    5    10    11    14
8    Skënderbeu    11    3    2    6    14    16    11
9    Vllaznia    11    3    2    6    6    11    11
10    Gramozi    11    2    4    5    6    14    10
11    Flamurtari    11    2    4    5    8    14    10
12    Laçi    10    2    3    5    11    13    9

Numri i klikimeve - 222
  E Shtune, 21 Nentor 2009