Dinamo, para testit të dytë me BylisNe ndeshjen e pare Bylisi fitoi 1-0 në “Adush Muça” me një gol të realizuar nga Armando Gega në minutën e 27-të

Rrjetet sociale:

(ALBANIA SPORT) – Bylis, kryesuesja e Kategorisë së Parë, është e vetmja skuadër që ka mundur gjatë këtij sezoni futbollistik Dinamon, dominuesen absolute të Superligës, kur të dyja skuadrat më të mirat në kompeticionet përkatëse u ballafaquan në ndeshjen e parë të turit të dytë të Kupës së Shqipërisë.

NDESHJA E PARË
Bylisi fitoi 1-0 në “Adush Muça” me një gol të realizuar nga Armando Gega në minutën e 27-të, në takimin e vetëm historik midis dy klubeve në Kupën e Shqipërisë.

ÇERKEFINALET
Tashmë Dinamos i duhet të fitojë minimalisht me dy gola diferencë për të siguruar kalimin për herë të 44-t në çerekfinalet e edicionit të 58-të Kupës së Shqipërisë. Bylis nga ana e tij ka marë pjesë vetëm dy herë.

RRUGA
Ballshiotët e Ilir Spahiut eliminuan Turbinën në turin e parë (0-1, 3-0), ndërkohë që blutë  e Shkëlqim Muçës u kualifikuan pas dy fitoreve me Mamurrasin (3-2, 2-0),  kryesuesen e grupit të Veriut në Kategorinë e Dytë.

TROFETË
Dinamo është 13 herë fituese e Kupës së Shqipërisë dhe ka qenë në finale 18 herë (5 të humbura), ndërkohë që Bylisi nuk ka shkuar kurrë as në gjysmëfinale.

KUPA E SHQIPËRISË
TURI I DYTË
NDESHJET E PARA

Grupi A

Bylis-Dinamo 1-0
Shënues: Gega 27’

Numri i klikimeve - 969
  E Marte, 08 Dhjetor 2009