Dita e Shenjtërimit të Nënë Terezës, Nikolla: Krenarë për gruan e jashtëzakonshme të kombit

Kryetarja e Kuvendit, Lindita Nikolla, ka dërguar një mesazh në Ditën e Shenjtërimit të Nënë Terezës.

Kombi shqiptar dhe mbarë bota përkujtojnë tre ngjarje të shënuara për Nënë Terezën: ditëlindjen më 26 gusht, ndarjen nga jeta më 5 shtator 1997 dhe shenjtërimin e saj, më 5 shtator 2016.

“Ne, shqiptarët, jemi krenar për këtë grua të jashtëzakonshme të kombit, që bashkon në një të vetme dhe në mënyre unikale Shenjtoren dhe Nobelisten e Paqes, hyjnoren dhe tokësoren, urtësinë dhe kontributin në zhvillimin e ideve humaniste me shërbimin e drejtpërdrejt ndaj të varfërve, të uriturve dhe të sëmurëve anembanë Planetit.

Mësimi i vyer dhe i urtë i Nënë Terezës se paqja nuk vjen me luftë, por me dashuri e dhembshuri është sot më aktual se asnjëherë,” shkroi kryetarja e Kuvendit, Nikolla.

/rtsh.al/