Dortmund rigjen fitoren, vendos Reus. Barazim për Union Berlin

Dy humbje dhe një barazim në tri ndeshjet e fundit dhe… largimi i trajnerit. Por Borussia Dortmund, në mbrëmjen e sotme, ka arritur të rikthehet te fitorja duke mundur në transfertë Werder Bremen me rezultatin 2-1. Pa Haaland në dispozicion, Dortmund ka kaluar në avantazh që në minutën e 12-të me anë të Guerreiro. Por reagimi i vendasve ka qënë i menjëhershëm dhe në minutën e 28-të kanë arritur të barazojnë me anë të Mohwald. Fati i kësaj sfide është vendosur në minutën e 78-të, teksa Reus, në dy tentativa,  ka arritur të shënojë nga pika e 11-metërshit, duke rikthyer kështu skuadrën e tij te fitorja.

M’gladbach ka arritur të marrë një barazim 3-3 në transfertën me Frankfurt, në një sfidë që për shumë minuta mund të konsiderohej e humbur, por falë tripletës së Stindl është shpërblyer me një pikë. Mesfushori ka arritur të zhbllokojë rezultatin që në minutën e 14-të, por vendasit kanë reaguar duke shënuar tri herë në portën e mbrojtur nga Sommer, Silva 22’ e 24’ dhe Barkok 32’. Në fund të takimit Stindl ka vendosur barazpeshën me dy golat e shënuar, 3-3.

Hertha Berlin nuk ka shkuar më shumë se nja barazim pa gola në ndeshjen me Mainz. Një sfidë e lehtë në letër për vendasit, që u përballën me një skuadër që ndodhet në zonën e ftohtë të klasifikimit, por në 90 minuta nuk kanë mundur ti mposhtin, duke ndarë nga një pikë.

Union Berlin e ka dorëzuar fitoren në fund në transfertën me Stuttgart. Friedrich që në minutën e 4-ët shënoi për miqtë, që dyfishuan në pjesën e dytë me Awoniyi. Kur mendohej se suksesi ishte arritur tashmë, vendasit kanë reaguar me dy gola të Kalajdzic  në pesë minutat e fundit të sfidës duke vendosur barazpeshën.

BUNDESLIGA

REZULTATET

RENDITJA