Dortmund, shkarkohet Favre. Zorc: Zgjedhje e vështirë, por…

Pas pesë golave të pësuar në shtëpi nga Stuttgart, Borussia Dortmund ka njoftuar shkarkimin e trajnerit, Favre. Drejtuesit e skuadrës gjermane nuk e kanë pranuar situatën e krijuar dhe menjëherë janë hedhur në veprim duke pushuar nga puna trajnerin Favre dhe skuadrën ia kanë besuar zëvendësit të tij, Edin Terzic, të paktën deri në përfundim të këtij sezoni.

Drejtori Sportiv i Dortmundit, Michael Zorc e ka arsyetuar në këtë mënyrë zgjedhjen e bërë: “Ishte shumë e vështirë për ne që të bënim një lëvizje të tillë. Sidoqoftë, në jemi të gjithë në një mendje se arritja e objektivave tona në këtë sezon është në rrezik të madh për shkak të zhvillimeve më të fundi, që duhet ta pranojmë që janë negative. Prandaj arritëm në këtë përfundim”.