Duckollari, nga PS ne numrin dy te partise se Milos

Komiteti Drejtues Kombetar i Partise Demokracia Sociale zgjodhi Artur Duckollarin sekretar politik, njekohesisht dhe sekretar per marredheniet me publikun. Kesisoj, me sa duket, Duckollari gjen vetveten ne radhet e Demokracise Sociale, pas nje odiseje jo te shkurter ne disa parti te majta. Sikunder dihej, deri ne zgjedhjet e pergjithshme te vitit 2005, Partia Agrare Ambientaliste ishte nje parti e spektrit te majte dhe qe kandidonte ne krah te partive te tjera te ketij spektri. E po gjate kesaj gare, Duckollari konkurroi si kandidat per deputet, duke perfaqesuar pikerisht kete parti ne mazhoritar, por duke mos ia arritur qellimit. Nderkohe qe PAA, behet pjese e aleances qeverisese, per te kaluar ne anen e partise me te madhe opozitare, asaj te PS-se, Duckollari vijon aktivitetin e tij brenda PS, tashme ne opozite. Si perfaqesues i kesaj partie, Duckollari u zgjodh kryetar i njesise 9 ne kryeqytet, duke te lene pershtypjen se tashme, si socialist i mirefillte, do te ngjiste shkallet ne forumet me te larte te PS-se. Madje, nje tentative e tille u duk qe me tentimin nga ana e tij per te kandiduar per postin e kryetarit te PS-se se Tiranes, perballe, Besnik Barajt. Gare nga e cila u terhoq pak para zhvillimit te ketij procesi, per shkak te mosmarreveshjeve me lidershipin roze, te cilat do te kulmonin dhe me lenien e tij jashte anetaresise se Asamblese Kombetare te PS-se. Gjate mbledhjes se djeshme, KDK i PDS-se zgjodhi Silvana Xuhanon, sekretare organizative, Dritan Devolen, sekretar per ceshtjet ligjore dhe reformen zgjedhore dhe Lavdie Rucin, sekretare per ceshtjet sociale. Nga ana e tij, kryetari i PDS-se, Paskal Milo, kerkoi qe per unifikimin e qendrimeve te forcave te majta duhet te funksionoje tryeza e opozites, per te diskutuar propozimet e cdo partie dhe per gjetjen e nje konsensusi, lidhur me reformen zgjedhore.
O.Xhilaga