Durres, bllokohen lejet e ndertimit
“Ky plan rregullues i qytetit do te rimarre ne shqyrtim edhe planin urbanistik te qendres se qytetit, qe penalizon ndertuesit ne qytetin e Durresit dhe ka shkaktuar bllokimin e ndertimeve ne kete zone, duke penalizuar nje sektor te rendesishem ne zhvillimin e qytetit”.
Kjo ka qene pergjigjja dhe njekohesisht paralajmerimi qe kryebashkiaku i Durresit dha per te gjitha bizneset e ndertimit. Ne kuadrin e projektit LAMP qe i ka akorduar qytetit bregdetar 270 mije dollare per hartimin e planit te tij rregullues.
Bashkia diskutoi me grupet e interesit duke theksuar faktin e nje planifikimi dinamik, proaktiv dhe i orientuar drejt popullsise ne menyre qe te inkurajoje investitoret te investojne. Kjo duke respektuar nevojat e qytetareve, profilin e qytetit dhe kushtet mjedisore.
Gjate diskutimit u ftuan specialistet dhe qytetaret qe t’i depozitojne sugjerimet e tyre ne sektorin e urbanistikes prane bashkise e ato do te merren parasysh ne hartimin e ketij plani rregullues. Projekti LAMP financohet nga Banka Boterore dhe po aplikohet ne kater bashki, qe jane ajo e Durresit, Vlores, Shkodres dhe Kamzes.
Projekti ka nje fond prej 1 milion dollaresh me ane te te cilit do te hartohen planet dhe rregulloret e zhvillimit strategjik urban per keto qytete. Hartimi i planit rregullues te qytetit te Durresit duhet te perfundoje ne fund te ketij viti dhe ne vitin 2010 pritet te filloje zbatimi qe shtrihet ne nje afat kohor 25 vjeçar.