E rëndë në Tiranë/ Humbi ndjenjat duke punuar në fabrikë, ndërron jetë 21-vjeçari

Një ngjarje e rëndë është shënuar në Tiranë, teksa një i ri ka humbur jetën në vendin e punës.

Ngjarja ka ndodhur mëngjesin e sotëm, rreth orës 06:30, në një fabrikë në Bathore.

Shtetasi me iniciale J. B., 21 vjeç, fillimisht humbi ndjenjat dhe u transportua për në spital, por fatkeqësisht nuk ka mundur t’ja dalë dot.

Sipas informacioneve të deritanishme, dyshohet për shkaqe natyrale.

Në drejtimin e Prokurorisë, po kryhen hetime për të sqaruar dhe dokumentuar me prova ligjore, rrethanat e rastit.

Materialet procedurale iu referuan Prokurorisë së Tiranës, për veprime të mëtejshme.