EFT e Zvicres fiton tenderin per furnizimin me energji elektrike

EFT e Zvicres ka fituar tenderin per importimin e energjise elektrike ne Maqedoni per kete vit dhe sipas marreveshjes, operatori qe ben shperndarjen, SHA MEPSO, do te paguaje 63 milione euro, shume pothuaj tri here me e vogel nga shuma qe u derdh vitin e kaluar nga Maqedonia per blerjen e energjise elektrike. Gazeta e perditeshme "Vecer" theksonte dje se kjo eshte hera e pare qe tenderin e furnizimit te Maqedonise me energji e fiton vetem nje kompani dhe po ajo detyrohet ta siguroje te gjithe sasine e energjise elektrike qe kerkohet per te plotesuar nevojat e vendit per nje vit. Vec EFT-se, ne tender u paraqiten dhe tri oferta te huaja - ajo sllovene GEN 1, zvicerania ATEL dhe kompania serbe PIMA. Komisioni per furnizime publike i SHA MEPSO, vleresoi si me te mire oferten e EFT-se nga Zvicra, e cila ofroi qe te siguroje sasine e plote te energjise elektrike qe i duhet Maqedonise per nje vit. Operatori MEPSO ka njoftuar se cmimi mesatar i blerjes eshte 92 euro per megavat ne ore dhe se pas zgjedhjes se kompanise fituese, ne afatin e caktuar ligjor, nuk pati asnje ankese nga kompanite e tjera qe moren pjese ne tender.
Kete vit Maqedonia ka parashikuar te importoje me tender 578.225 megavat ne ore energji elektrike. Ne strukturen e importit, rryma e importuar gjate dites eshte 534.055 megavat ne ore dhe ploteson 92,4 per qind te kerkeses, ndersa ajo e importuar naten, eshte 44,2 megavat ne ore dhe perben 7,6 per qind te sasise se pergjithshme. MEPSO nuk e ka njoftuar cmimin e energjise se dites dhe cmimin e nates qe ofruan kompanite e tjera pjesemarrese ne tender, sepse ato vete nuk e lejuan kete. Ne hapjen publike te ofertave, ne dhjetorin e kaluar, u njoftuan vetem cmimet mesatare te energjise se dites dhe te nates qe ofrojne kompanite.