EMRI/ Konflikt mes fqinjve, plagosje me armë zjarri në Tiranë

Një plagosje me armë zjarri ka ndodhur në Tiranë.

Raportohet se, ngjarja ka ndodhur në zonën e njohur si “Farmacia 10”.

I plagosur ka mbetur Ilirjan Dosti. Dyshohet se ai ka një plumb në bark dhe është transportuar në spital.

Njoftimi i Policisë:

Tiranë/Informacion paraprak

Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.

Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit.