EMRI/ Vritet 46-vjeçari në Tiranë
Një vrasje është raportuar në zonën e Vasil Shanton, Tiranë.
Vizion Plus mëson se viktima, i indentifikuar si Ismet Habili, 46-vjeç është gjetur brenda një automjeti në rrugën Mihal Popi.
“Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.
Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes”, njofton policia.
/vizionplus.tv