Edhe 1800 karta fermerësh për subvencionimin e karburantit

Ministrja e Bujqësisë, Frida Krifca, ka bërë të ditur se edhe 1800 karta fermerësh që do të përfitojnë karburantin për bujqësinë. 

Zonja Krifca tha se i është dhënë prioritet kultivimit të produkteve të kohës.

“Ne e kemi mbyllur skemën kombëtare më 30 mars dhe deri më sot kemi bërë gati 1800 karta të naftës për fermerët që janë gati. Ne i kemi dhënë prioritet ato kulturave që mbillen tani. Po ecim shumë shpejt, duke prioritizuar sigurisht. Ne kemi pasur këtë vit rreth 50 mijë aplikime, një rekord. Premisa është pozitive, fermerët e besojnë skemën dhe kanë nevojë sigurisht dhe ne po bëjmë gjithçka të mundur që fondet të shkojnë sa më shpejt te ta”, tha ministrja Frida Krifca pas mbledhjes së qeverisë.