Ekspertët e OKB-së: Po shkelet armëpushimi në Gazë, të ndalen sulmet izraelite

Ekspertët e Kombeve të Bashkuara u kanë bërë thirrje shteteve anëtare të veprojnë menjëherë ndaj Izraelit se po rrezikon armëpushimin e brishtë në Gazë dhe po vendos në rrezik civilët.

Sipas të dhënave të OKB-së, që kur marrëveshja e armëpushimit midis Izraelit dhe Hamasit hyri në fuqi më 10 tetor, forcat izraelite kanë kryer të paktën 393 shkelje, duke vrarë 339 palestinezë, përfshirë mbi 70 fëmijë, dhe duke plagosur më shumë se 870.

Sulmet ajrore izraelite më 28 tetor shënuan natën më vdekjeprurëse që nga fillimi i armëpushimit, duke lënë të paktën 104 të vdekur.

Ata paralajmëruan se pavarësisht armëpushimit, qasja humanitare mbetet e kufizuar, me vetëm dy nga gjashtë kalimet e hapura, shpërndarjen e ndihmave dhe spitaleve që kanë nevojë urgjente për furnizime dhe pajisje.

“Sulmet e vazhdueshme izraelite kundër popullsisë palestineze në Gazë përbëjnë një shkelje të hapur të marrëveshjes së armëpushimit”, thanë ekspertët, duke i kërkuar bashkësisë ndërkombëtare të bëjë presion mbi Izraelin që të ndalojë menjëherë sulmet ndaj civilëve dhe të lejojë ndihmën humanitare.

Ata theksuan se përshkallëzimi i dhunës në Bregun Perëndimor me sulme nga kolonët dhe ushtarët e paligjshëm izraelitë ndaj civilëve, tokës dhe pronës palestineze.

Ekspertët paralajmërojnë rrezikun që sjell legjislacioni parlamentar izraelit që zgjeron sovranitetin mbi pjesën e Bregut Perëndimor.

“Nuk mund të ketë paqe të qëndrueshme pa llogaridhënie për krimet e kryera që nga 7 tetori 2023… Ne paralajmëruam se të ashtuquajturat iniciativa paqeje që lejojnë njërën palë të mbajë kontrollin e militarizuar mbi Gazën nuk do t’i jepnin fund pushtimit, por do ta forconin atë. Mjerisht, kjo po zhvillohet para syve tanë.  Pas dy vitesh sulmi gjenocidal, ky ‘plan paqeje’ rrezikon t’i shtojë fyerje plagës”, theksojnë ekspertët.

Sipas marrëveshjes së armëpushimit të arritur midis Hamasit dhe Izraelit më 9 tetor, deri në 600 kamionë ndihme duhej të hynin në Gazë çdo ditë.

Megjithatë, Izraeli nuk i është përmbajtur marrëveshjes, duke nisur sulme pothuajse të përditshme. Që nga tetori i vitit 2023, ushtria izraelite ka vrarë gati 70 mijë njerëz në Gazë, kryesisht gra dhe fëmijë, dhe ka plagosur mbi 170,900 në një ofensivë brutale që e shkatërroi pjesën më të madhe të enklavës në rrënoja.

/rtsh.al/