Ekspozita ngjyrat e Meksikes ne Muzeun Historik Kombetar

Ngjyrat e Meksikës kanë ardhur përmes një ekspozite të veçantë çelur në Muzeun Historik Kombëtar nga piktorja meksikane, Mares Fany. Artistja ekspozon për herë të parë në vendin tonë dhe na sjell shpirtin e vendit të saj të pasqyruar përmes 60 punimeve. Në këto punime nuk mungojnë edhe elementët specifike si katedralja e Meksikës apo kapelja e njohur si krenari e kombit thotë artistja.

Ideja ime për të çelur këtë ekspozitë ka qenë që të prezantoj kulturën meksikane për publikun shqiptar. Kjo ide është bazuar në frymën e bashkëpunimit për të paraqitur ngjyrat dhe artin folklorik meksikan. Ndërsa do të veçoja kapelen karakteristike që është një traditë që ka populli meksikan këtu e 900 vjet të shkuara. E veçantë është  katedralja kryesore  e ndërtuar nga kolonizatorët në Meksikë.

Kjo ekspozitë vjen pas një përvoje të saj në galeri të ndryshme në Meksikë dhe SHBA.

Mares fany ka lindur në Mexico City. Në një moshë të re ajo zbuloi se arti ishte pasionin e saj. Ajo ka studiuar art dhe design në Amerikë. Që nga viti 1994, Mares Fany ka punuar në Meksikë.   

Mares Fany arrin një efekt të veçantë me subjektet e saj në ngjyra të lehta, të forta, cilësi të lartë dhe  linja në lëvizje.

Në serine e saj më të fundit: "Ngjyrat e Meksikës", ajo përfaqëson kulturën meksikane me temat joshës dhe ngjyrat intensive  të sjella nga bukuria e vendit të saj.