Ekuipazhi i tragetit peng per 50 mije euro ne Portin e Vlores
Nuk kane uje te mjaftueshem dhe detergjente per te mbajtur higjienen personale dhe ushqehen keq. 15 marinare te huaj 14 prej te cileve jane nga India dhe njeri nga Indonezia qendrojne prej dy muajsh te ngujuar ne tragetin Veronika Lines qe eshte bllokuar ne Portin Detar te Vlores.
Ata nuk i shprehin dot te gjitha shqetesimet qe kane sepse nuk dine gjuhen e vendit ku jane bllokuar por me gjeste tregojne se po vuajne shume deri edhe per ushqime.
Viktima te papergjegjshmerise se biznesmeneve apo te krizes ekonomike globale marinaret vuajne mungesen e parave prej gjashte muajsh. Te njejten mungese e ndiejne edhe familjet e tyre ne vendet e largeta te hemisferes tjeter te globit.
Dje ne mesdite kuzhinieri i anijes i cili bashke me gjashte marinare te tjere kane pasur fatin te zbresin ne toke po gatuante oriz mashurka e mish pule per marinaret e ngujuar. Nuk eshte problem ushqimi. Asnje dite te vetme nuk jane lene pa uje e pa buke thote kuzhinieri vendas. Por 15 te huajt drejtojne doren nga goja e shtrengojne me pellembe stomakun per te thene me gjuhen e gjesteve se edhe per te ngrene heqin keq.
Trageti ne te cilin ata jane bllokuar eshte prone e nje kompanie italo-shqiptare qe ka nje borxh prej 50 mije eurosh ndaj Portit te Vlores e nuk lejohet nga autoritetet te rinise lundrimin pa e shlyer.
Drejtori i Portit Detar te Vlores Kasem Mahmutaj tregon se trageti eshte bllokuar me 7 shtator te ketij viti per shkak te borxhit prej 50 mije eurosh. Prej me shume se dy muajsh ky traget eshte bllokuar ne kalaten e portit per shkak te nje urdhri bllokimi te cilin ne e kemi nxjerre per shoqerine dhe aktivitetin e tragetit per shkak te nje debiti qe ky traget i ka ndaj drejtorise se portit. Shuma prej 50 mije eurosh duhet te ishte paguar ne muajin gusht 2010 por nuk eshte paguar as sot. Ne jemi perpjekur qe te jemi tolerante dhe ti japim mundesi kompanise qe e administron tragetin te likuidoje ne menyre te pjesshme keto para por nuk e kane bere ende thote Mahmutaj i cili shton se nuk i takon drejtorise se portit te merret me trajtimin e 15 marinareve qe jane ngujuar ne traget.
Per shefin e Kapitenerise se Portit te Vlores Anastas Goga shqetesimi kryesor nuk eshte as shendeti i marinareve as problemet financiare te kompanise dhe portit. Ai shqetesohet per sigurine ne port qe eshte cenuar nga qendrimi ne mol i ketij trageti. Ky traget eshte burim aksidentesh per te gjithe ne. Ai po sjell rrezik per te gjithe si dhe per veten pasi gradualisht po prishet dhe ndryshket si dhe po shkaterron molin nga perplasjet qe ben cdo dite thote Goga.
Perfaqesuesit e agjencise se tragetit Veronica Lines thone se nuk eshte e vertete qe marinaret jetojne ne kushte te keqija. Sipas tyre marinaret jane fajtore se kane shkaktuar deme ne traget. Skender Gocaj perfaqesues i agjencise se Veronica Lines thote se trageti eshte bllokuar per probleme ekonomike te brendshme midis pronareve qe se shpejti per nje jave ose dhjete dite do te zgjidhen me marrjen e nje kredie ne banke. Sa u perket ankesave te marinareve ai thote se e verteta eshte ndryshe. Une nuk jam as pale me punetoret dhe as me kompanine dhe per kete rast flas me te drejten. Marinareve nuk u mungojne ushqimet dhe uji ato jane te gjitha brenda. Por ata kane lene dhe punen dhe kane sjelle rreth 60 mije euro deme sepse nuk leshojne litaret nuk pastrojne dhe lyejne. Kapiteni nuk ben as punen e tij me minimale thote Gocaj. Ai pranon se nje pjese e marinareve kane me shume se gjashte muaj pa u paguar por thote se kjo eshte nje krize ekonomike dhe nuk jemi ne te paret qe e ndiejme dhe as te fundit.