Ekzekutohet vendimi i GJKKO/ Rikthehet në burg ish-kryetari i bashkisë Lushje Fatos Tushe

Ish-kryetari i Bashkisë Lushnje Fatos Tushe është rikthyer në burg.

Kjo lëvizje erdhi pas ekzekutimit të vendimit të GJKKO, e cila kërkoi ditën e djeshme që Tushe të vuaj dënimin me 1 vit burg për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim.

Ai do të dërgohet në burgun e Fierit, ku do të vazhdojë vuajtjen e dënimit.

Lushnjë

Sot më datë 02.03.2023, specialistët për Hetimin e Krimeve të Komisariatit të Policisë Lushnjë kanë ekzekutuar vendimin e datës 01.03.2023, të dhënë nga Gjykata e Posaçme e Apelit për Korrupsionin dhe Krimin e Organizuar Tiranë, e cila ka vendosur se shtetasi Fatos Tushe, 55 vjeç (ish-kryetar i bashkisë Lushnjë) duhet të kthehet në IEVP, për të vuajtur 1 vit burgim, për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim.

Shtetasi F. T. do i dorëzohet IEVP Fier, me qëllim vuajtjen e dënimit.