Elbasan/ Historia e pazakontë e dy të miturve. Adoleshenti lë shtatëzënë 13 vjeçaren

Policia e Elbasanit arrestoi dje një 16-vjeçar, pasi akuzohet për veprën penale Marrëdhënie seksuale me të mitura. Në muajin e tretë të shtatzënisë, simptomat shëndetësore që kishte 13-vjeçarja me inicialet E.P. prej tre javësh, kanë bërë që të lindin dyshime tek gjyshja me të cilën jetonte, pasi prindërit e të miturës ishin emigrantë në Greqi.

Pasi ka parë shenja të dukshme, gjyshja e ka çuar mbesën e saj tek mjeku i përgjithshëm, i cili më pas e ka drejtuar për një vizitë tek mjeku gjinekolog, ku edhe u vërtetua se 13-vjeçarja ishte shtatzënë në muajin e tretë, rreth 10 javëshe shtatzënë. E shqetësuar gjyshja e së miturës, e cila nuk kishte dijeni për një lidhje të mbesës së saj, për shkak edhe të moshës, i është drejtuar policisë.

13-vjeçarja në prani edhe të psikologut është marrë në pyetje dhe ka rrëfyer se kishte një lidhje prej disa muajsh me një djalë 16-vjeçar me inicialet R.T. Më pas efektivët e Policisë së Elbasanit kanë arrestuar minorenin, i cili akuzohet për Marrëdhënie seksuale me të mitura. Sipas bluve, mësohet se 16-vjeçari është arrestuar pasi në mënyrë të vazhdueshme ka kryer marrëdhënie seksuale, duke e lënë dhe shtatzënë të miturën E.P., 13 vjeç. Ndërsa është marrë në pyetje nga grupi hetimor, minoreni ka deklaruar të njëjtën gjë si edhe 13-vjeçarja.

Ai ka thënë se prej disa muajsh kishte lidhje me të miturën dhe se gjithçka që është kryer nga ana e tyre përsa i përket intimitetit është bërë me dëshirën e të dyve. Megjithatë 16-vjeçari do të përgjigjet për veprën penale për të cilën akuzohet. Materialet në ngarkim të kësaj çështjeje i kanë kaluar Prokurorisë së Rrethit Gjyqësor Elbasan për veprime të mëtejshme.

Të dy të kiturit vijnë nga familje të varfra . Ata merreshin me punë dhe  pikërisht gjatë këssaj kohe janë njohur. Djali I ka premtuar që do ta merrte për grua, por qysh nga moment i shtatëzanisë ,ai as nuk ka dashur tia dijë më për të  dhe kështu vajza i është drejtuar policisë./A.XH