Elbasan–Papër, përfundon asfaltimi i rrugës

TIRANË, 19 shtator/ATSH/  Punimet për asfaltimin e segmentit Elbasan–Papër, faza e dytë, kanë përfunduar përgjatë gjithë gjatësisë së projektit.

Autoriteti Rrugor Shqiptar njoftoi se pas përfundimit të shtresës asfaltike, aktualisht po punohet për vendosjen e sinjalistikës horizontale.

Vendosja e sinjalistikës është ndër punimet e fundit për përmbylljen e këtij segmenti rrugor.

Segmenti rrugor  Elbasan–Papër, është pjesë e projektit infrastrukturor Elbasan–Rrogozhinë dhe të Korridorit 8-të.

/e.xh/a.f/