Emigrantet kosovare do te votojne

Ndryshe nga emigrantet shqiptare qe nuk kane te drejte vote qytetaret e Kosoves qe jetojne dhe punojne ne perendim do te kene mundesi votimi ne zgjedhjet e jashtezakonshme me 12 dhjetor.

Ambasada e Kosoves ne Britanine e Madhe ka nisur nje fushate te gjere sensibilizuese ne menyre qe shtetasit e Kosoves sic edhe e parashikon ligji i zgjedhjeve fillimisht te regjistrohen per te votuar.

Muhamet Hamiti ambasador i Kosoves ne Mbreterine e Bashkuar shpjegon rendesine e te votuarit nga emigrantet pasi sipas tij keto jane zgjedhjet e para te pergjithshme qe organizohen ne Kosoven e pavarur.

Republika jone - thote ambasadori Hamiti - si cdo demokraci ka nevoje per rinovim te pushtetit ne cikle te caktuara kohore. Zgjedhjet e mundesojne kete. Kosova e do vullnetin demokratik e te gjithe shtetasve te vet pa marre parasysh a jetojne aktualisht brenda apo jashte atdheut.

Komisioni Qendror i Zgjedhjeve ka vendosur si afat aplikimi per tu regjistruar permes postes daten 16 nentor.

Hap i pare eshte rregjistrimi duke plotesuar Formularin e rregjistrimit dhe aplikimit per votim jashte Kosove qe mund te shkarkohet nga faqja online e Komisionit Qendror te zgjedhjeve apo te terhiqet ne ambientet e ambasades se Kosoves ne Londer.

Formulari i postohet ose dergohet me fax Komisionit Qendror i cili pasi verifikon vlefshmerine e aplikantit dergon me poste fleten e votimit tek adresa qe aplikanti ka shenuar ne formular.

Kushtet per tu perfshire ne votimin me poste jane

Mosha 18 vjec.

Regjistrim ne Regjistrin Civil te Kosoves dhe UNMIK-ut.

Posedimi dokumentin te Identifikimit te Kosoves ose te UNMIK-ut ose pasaporten apo ndonje dokument tjeter qe verteton se jane shtetas i Kosoves.

Shetasit qe kane vetem si dokument identifikimi pasaporten britanike atehere kane te drejte aplikimi nese ne pasaporte shenohet se vendlindja eshte ne Kosove.