Emigrantet, proteste para OSBE ne Athine
Shoqatat e emigranteve shqiptare ne Athine, do te organizojne diten e sotme nje proteste per zgjedhjet parlamentare te 28 qershorit, perpara selise ku do te zhvillohet mbledhja e radhes e Asamblese Parlamentare te OSBE-se, ku merr pjese dhe ministri i Jashtem, Meta. Lajmi behet i ditur nga burime prane Partise Socialiste per gazeten "Koha Jone". Protesta e emigranteve shqiptare ne Greqi, do te zhvillohet me moton "Dua te shoh voten time", nje moto kjo e njohur ne protestat e organizuar nga Partia Socialiste dhe aleatet e saj, ne te gjithe Shqiperine. Kjo proteste ka si qellim plotesimin e kerkeses se bere nga opozita shqiptare, per hapjen e kutive te votimit te zgjedhjeve parlamentare te 28 qershorit. Keshtu pra, pika e nisjes se protestes do te jete rreth ores 17:00 ne sheshin e stacioneve te autobuseve, ne kryeqytetin e shtetit helen. Pas mbledhjes se protestuesve ne shesh, emigrantet shqiptare do t'i drejtohen selise ku zhvillohet mbledhja e Asamblese Parlamentare te OSBE-se, per te protestuar per hapjen e kutive. Ne te njejten kohe qe do te zhvillohet protesta, do te zhvillohet edhe takimi i ministrave te Jashtem te vendeve te OSBE-se. Ne kete takim do te jete perfaqesues edhe vendi yne me ministrin e Jashtem, Ilir Meta, njeheresh zevendeskryeminister i Shqiperise. Gjate protestes priten te jene te pranishem perfaqesues te Partise Socialiste, ndonese nuk eshte konfirmuar zyrtarisht pjesemarrja e tyre. Pritet qe protestuesve t'u bashkohen edhe anetaret greke te PASOKU-t, te cilet do t'i kthejne "reston" anetareve shqiptare, per ndihmen e dhene nga socialistet ne zgjedhjet e fundit parlamentare ne Greqi. Me zhvillimin e protestes ne shtetin fqinj, protestat e opozites per hapjen e kutive hyjne ne nje stad te ri, ku tashme gjithcka eshte nderkombetarizuar, duke protestuar jo vetem ne vendin tone, por edhe ne shtetet ku banojne shume emigrante shqiptare. D.Dedej