Eriksen sot në fushë, flasin mjekët
E shtuna e 26 shkurtit 2022 mund të jetë një ditë historike për futbollin botëror dhe jo vetëm për Anglinë. Në fakt, është emocionues për të gjithë tifozët e futbollit dhe sportit, kthimi i Christian Eriksen në një fushë futbolli për të luajtur një ndeshje zyrtare profesioniste me fanellën e klubit të tij të ri, Brentford, që do të shënojë një fazë të re dhe themelore në planin mjekësor. Ish-mesfushori i Interit në fakt do të bëhet lojtari i parë që do të luajë me një defibrilator në pesë kampionatet më të rëndësishme evropiane.
Ky skenar mund të shqetësojë tifozërinë, nga frika se danezi mund të vuajë nga një sëmundje e re, por sipas mjekëve prania e defibrilatorit nën lëkurë do t’i lejojë Eriksenit të luajë në qetësi të plotë si një futbollist i zakonshëm, duke qenë në gjendje të lejojnë kontraste të çdo lloji.
“Jam i qetë dhe i sigurt”. Profesor Graham Stuart, drejtor i ‘Sports Cardiology UK’, një kompani e specializuar në këshilla mjekësore për atletët me probleme të zemrës, si dhe një anëtar i bordit të ekspertëve të kardiologjisë dhe profesor i Shoqatës Angleze të Futbollit, tha për Daily Mail: “Parimi i të luajturit futboll me defibrilator është një ide e mirë. Këto pajisje janë shumë efektive dhe mund të lejojnë shumë pacientë të bëjnë një jetë pothuajse normale. Në fund të fundit, një numër i mirë sportistësh profesionistë tashmë po e ndjekin profesionin e tyre falë ndihmës së një defibrilatori nënlëkuror”.
Koncepti mbështetet gjithashtu dhe nga Dr Michael Papadakis, kardiolog konsulent në ‘St George’s University Hospital’ në Londër, i cili nënvizon rolin e Christian Eriksen si ‘pionier’: “Unë mendoj se Christian do të jetë futbollisti i parë profesionist në MB që do të luajë me një defibrillator. Është një gjë shumë e rrallë, shumica e atletëve të nivelit që kanë pasur nevojë të implantojnë një pajisje mjekësore, e kanë lënë aktivitetin ose kanë vazhduar në nivele më të ulëta”.
Por vullneti i Chris dhe përparimet mjekësore e bënë të mundur. Frika është se Eriksen mund të jetë viktimë e një arresti të ri kardiak, por në rastin fatkeq defibrilatori mund të shpëtojë ende jetën e lojtarit. Roli i tij është të monitorojë ritmin e zemrës: nëse zemra fillon të rrahë në mënyrë jonormale, pajisja aktivizohet dhe jep një goditje elektrike në zemrën e subjektit, për të rivendosur një model të rregullt. Po sikur e gjithë kjo të ndodhë gjatë një loje? Papadakis është optimist: “Christian dhe familja e tij do të kenë vlerësuar plotësisht rreziqet. Besoj se në rast të një ataku të ri në zemër, defibrilatori do të jetë në gjendje t’i shpëtojë sërish jetën Eriksenit”, përfundoi ai.