Eshte koha per fillimin e pergatitjeve per zgjedhjet vendore

Berisha takon ambasadorin e ri te Prezences se OSBE ne Shqiperi Wollfarth

Prezenca e OSBE-se ne Shqiperi vlereson se ka ardhur koha qe politika shqiptare te filloje pergatitjet per zgjedhjet e ardhshme vendore. Deklarata eshte bere dje nga ambasadori i ri i Prezences se OSBE-se ne Shqiperi Eugen Wollfarth ne takimin e zhvilluar me kryeministrin Sali Berisha. Duke iu referuar zgjedhjeve per qeverisjen vendore qe priten te mbahen ne maj 2011 Ambasadori Wollfarth tha se eshte koha qe eshte caktuar data e zgjedhjeve ekziston nevoja per fillimin e pergatitjeve administrative te hershme ne perputhje me rekomandimet me te fundit te OSBE/ODIHR-it.
Nga ana e tij kreu i qeverise shqiptare Berisha vleresoi lart rolin e OSBE-se ne vendin tone pergjate gjithe ketyre viteve ne menyre te vecante rolin e saj ne forcimin e institucioneve legjislacionit shoqerise civile etj.
Kryeministri Berisha u ndal ne menyre te vecante ne rolin dhe asistencen e madhe te dhene nga Prezenca e OSBE-se ne reformimin konsensual te kuadrit ligjor zgjedhor dhe arritjen e standardeve me te larta evropiane arritje te cilat u konstatuan edhe ne raportin e OSBE- ODIHR per zgjedhjet ne vitin 2009.
Ambasadori Wollfarth falenderoi kryeministrin Berisha per vleresimin qe i beri punes se Prezences se OSBE-se. Me tej ai e siguroi kryeministrin per gatishmerine e kesaj organizate per te ndihmuar ne zhvillimin e metejshem te vendit ne bashkepunim me institucionet e zgjedhura ne menyre demokratike si dhe segmentet e tjera te shoqerise shqiptare duke e fokusuar kete ndihme tek ceshtjet me interes per vendin.
Nga ana e tij kryeministri Berisha e siguroi ambasadorin Wollfarth per nje bashkepunim te hapur dhe konstruktiv me prezencen e OSBE-se ne vazhden e tradites shume te mire.