Euro 2012 Miroslav Klose prane rekordit
Pas kualifikimit për në Euro 2012, kombëtarja e Gjermanisë është gati të ndihmojë sulmuesin e saj Miroslav Klose të thyejë rekordin e Gerd Myller. Ky i fundit është shënuesi më i mirë në historinë e përfaqësueses gjermane me 68 gola, ndërsa sulmuesi i Lazios numëron 62 gola në karrierën e tij me “Panzerat”. Duke nisur nga miqësorja e së martës kundër Polonisë, Klose do të ketë mundësinë t’i afrohet rekordit të legjendës së futbollit gjerman.
Gjithsesi, sulmuesi është shprehur se mendon më shumë për suksesin e kombëtares, ndërsa e cilëson sfidën e ardhshme në Varshavë si shumë speciale, pasi luan për herë të parë në vendin e origjinës së tij. “E rëndësishme për mua është të shënoj sa më shumë për të ndihmuar skuadrën në objektivat e saj. Sigurisht që do të më pëlqente të thyeja rekordin e një futbollisti të madh si Gerd Myller, por tani jam i përqëndruar te ndeshja e radhës”, ka thënë Klose.
Gjermania siguroi biletën për në Europianin e ardhshëm, pas një ecuri të shkëlqyer në grupin e saj eliminator, ku në ndeshjen e fundit mundi 6-2 Austrinë. Pas këtij suksesi, skuadra e drejtuar nga Joachim Lëv ka hyrë në historinë e kombëtares së së gjermanisë, e cila për herë të parë arrin të kualfikohet me pikë të plota në kompeticionin më të rëndësishëm të futbollit europian.
Nertan Prifti
Gjithsesi, sulmuesi është shprehur se mendon më shumë për suksesin e kombëtares, ndërsa e cilëson sfidën e ardhshme në Varshavë si shumë speciale, pasi luan për herë të parë në vendin e origjinës së tij. “E rëndësishme për mua është të shënoj sa më shumë për të ndihmuar skuadrën në objektivat e saj. Sigurisht që do të më pëlqente të thyeja rekordin e një futbollisti të madh si Gerd Myller, por tani jam i përqëndruar te ndeshja e radhës”, ka thënë Klose.
Gjermania siguroi biletën për në Europianin e ardhshëm, pas një ecuri të shkëlqyer në grupin e saj eliminator, ku në ndeshjen e fundit mundi 6-2 Austrinë. Pas këtij suksesi, skuadra e drejtuar nga Joachim Lëv ka hyrë në historinë e kombëtares së së gjermanisë, e cila për herë të parë arrin të kualfikohet me pikë të plota në kompeticionin më të rëndësishëm të futbollit europian.
Nertan Prifti