Euroja prek nivelin më të ulët 96,5 lekë
TIRANË, 16 dhjetor /ATSH/ Në tregun e këmbimit valutor vendas, të martën leku forcoi pozitat ndaj euros dhe dollarit amerikan, krahasuar me një ditë më parë.
Sipas kursit zyrtar të Bankës së Shqipërisë, euroja dhe dollari u zhvlerësuan përkatësisht me 0,01 lekë dhe 0,16 lekë dhe këmbehen me 96,49 lekë euroja në nivelin më të ulët se me parë dhe dollari amerikan me 82,05 lekë.
Zhvlerësimi i monedhës europiane i adresohet flukseve të shtuara të euros, duke reflektuar efektin sezonal ne festat e fundvitit, por sipas BSH-së rënia e kursit me bazë vjetore paraqitet relativisht e vogël. Krahasuar me një vit më parë, kursi i këmbimit euro-lek është në rënie me 1,8%.
Ndërkohë në pozita të forta këmbehet paundi britanik.
Monedha angleze këmbehet me 110,12 lekë ose 0,16 lekë më shumë dhe franga zvicerane zbriti me 0,15 lekë dhe këmbehet me 103,12 lekë.
Banka e Shqipërisë bën të ditur se këmbimi valutor luhatet brenda intervaleve të pritshmërisë dhe reflekton kërkesë-ofertën e tregjeve.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar amerikan | USD | 82.05 | -0.16 | |
| Euro | EUR | 96.49 | -0.01 | |
| Poundi Britanik | GBP | 110.12 | +0.16 | |
| Franga Zvicerane | CHF | 103.12 | -0.15 | |
| Jeni Japonez (100) | JPY | 52.99 | -0.01 | |
| Dollari Australian | AUD | 54.45 | -0.14 | |
| Dollari Kanadez | CAD | 59.56 | -0.12 | |
| Korona Suedeze | SEK | 8.81 | -0.03 | |
| Korona Norvegjeze | NOK | 8.06 | -0.05 | |
| Korona Daneze | DKK | 12.92 | 0.00 | |
| SDR | SDR | 112.29 | -0.08 | |
| Ari (OZ 1) | XAU | 351145.28 | -5,525.27 | |
| Argjendi (OZ 1) | XAG | 5174.61 | -49.84 | |
| Juani Kinez (onshore) | CNY | 11.65 | -0.02 | |
| Juani Kinez (offshore) | CNH | 11.66 | -0.01 | |
| Lira Turke | TRY | 1.92 | -0.01 | |
/j.p/r.e/